महामार्गावर लूटमार करणारे तिघे पोलिसांच्या जाळ्यात

सुपा परिसरात स्थानिक गुन्हे शाखेची कारवाई

माय नगर टीम


नगर-पुणे महामार्गावर सुपा परिसरात लुटमार करणार्‍या तीन आरोपींना स्थानिक गुन्हे शाखेने जेरबंद केले आहे. त्यांच्याकडून 15 हजार रुपयांचा मुद्देमाल जप्त करण्यात आला असून त्यांना मुद्देमालासह सुपा पोलीस ठाण्यात हजर करण्यात आले आहे.
या प्रकरणी 2 मार्च रोजी संदीप किसन कजबे (वय-37, रा. अपधूप, ता. पारनेर) हे त्यांच्या साथीदारासह दुचाकीवरून नगर-पुणे रोडने सुपा एमआयडीसीकडे जात असताना रात्री दहाच्या सुमारास वाघुडे खुर्द शिवारात पाठीमागून आलेल्या अनोळखी तीन इसमांनी दमदाटी करुन दोन मोबाईल व रोख रक्कम असा एकूण 16 हजार रुपयांचा मुद्देमाल बळजबरीने चोरुन नेला होता. या घटनेबाबत कजबे यांनी सुपा पोलीस ठाण्यात अज्ञात तीघा विरोधात फिर्याद दिली होती.