मोदींच्या 'त्या' ट्विटला मिळाला गोल्डन ट्विट पुरस्कार

माय अहमदनगर वेब टीम
न्यूज डेस्क - मायक्रोब्लॉगिंग साईट ट्विटरने वर्ष 2019 मधील ट्रेंड्स जाहीर केले आहेत. यामध्ये सर्वाधिक लाईक, कमेंट आणि रिट्वीट होणाऱ्या ट्वीटचा समावेश आहे. तसेच ट्विटरने राजकीय, मनोरंजनसहीत अनेक वेगवेगळ्या क्षेत्रातील ट्रेंडही जाहीर केले आहेत. या सर्वांमध्ये पंतप्रधान नरेंद्र मोदी यांना ट्विटरवरकडून 2019 मधील गोल्डन पुरस्कार मिळाला आहे.

पंतप्रधान नरेंद्र मोदींना सर्वाधिक लाईक आणि रीट्वीट

पंतप्रधान नरेंद्र मोदींनी 2019 च्या लोकसभा निवडणुकीत विजय संपादित केल्यानंतर #VijayiBharat या हॅशटॅगसह 23 मे रोजी एक ट्वीट केले होते. मोदींच्या याच ट्वीटला 2019 चा गोल्डन ट्वीट पुरस्कार मिळाला आहे. या ट्वीटला आतापर्यंत 117.6 हजार लोकांनी रिट्वीट केले. तसेच 420.6 हजार लोकांनी लाईक केले.