शेअर बाजार; खरेदीचा ओघ कायम राहणार

माय अहमदनगर वेब टीम
मुंबई - करोनावर लस संशोधन अंतिम टप्प्यात असल्याने गुंतवणूकदारांमध्ये उत्साहाचे वातावरण आहे. त्यांनी केलेल्या चौफेर खरेदीने गुरुवारी बाजारात मोठी वाढ झाली. आजच्या आठवड्याच्या शेवटच्या सत्रात खरेदीचा ओघ कायम राहील, असा अंदाज शेअर बाजार विश्लेषकांनी लावला आहे.

इन्फोसिसच्या २०२१ या वित्तीय वर्षातील पहिल्या तिमाहिचा अंदाज सर्व पातळ्यांवर नफ्याचा ठरला. परिणामी कालच्या सत्रात कंपनीचे शेअर्स ९.५१ टक्क्याने वाढले व त्यांनी ९१०.९९ रुपयांवर ट्रेड केला. कॅडिला हेल्थकेअर लि. कंपनीला डॉक्सिसायक्लिन इंजेक्शनच्या एसएएनडीए (सप्लिमेंटल अॅब्रिव्हिएटेड न्यू ड्रग अॅप्लिकेशन) ला अमेरिकी एफडीएची परवानगी मिळाली. हे प्रति बाटली १०० मिलिग्राम येते. कंपनीचे स्टॉक्स १.९६ टक्क्याने वाढले व त्यांनी आजच्या व्यापारी सत्रात ३६१.५० रुपयांवर व्यापार केला. एलअँडटी कंपनीने वित्तीय वर्ष २०२१ च्या पहिल्या तिमाहित अपेक्षेपेक्षा जास्त चांगली कामगिरी केली. त्यानंतर कंपनीचे शेअर्स ०.८० टक्के नी वाढले व त्यांनी ९१९.५० रुपयांवर व्यापार केला. कंपनीचा निव्वळ नफा २.६ टक्के नी घसरला तर महसुलातही २.१ टक्क्यांची घट झाली.

चीनची वृद्धी; जागतिक अर्थव्यवस्थेला खड्ड्यात घालून चीन सावरला
काल जवळपास १०५८ शेअर्सनी नफा कमावला तर १५१२ शेअर्सनी घसरण घेतली. १५८ शेअर्स स्थिर राहिले. इन्फोसिस , बीपीसीएल , सिपला , एमअँडएम आणि ब्रिटानिया इंडस्ट्रीज हे निफ्टीतील टॉप गेनर्स ठरले. तर भारती इन्फ्राटेल , टेक महिंद्रा , आयटीसी , झी एंटरटेनमेंट आणि आयओसी हे निफ्टीतील टॉप लूझर्स ठरले. बीएसई मिडकॅपनी ०.५० टक्क्याची वृद्धी तर बीएसई स्मॉलकॅपने ०.२३ टक्क्याची घसरण अनुभवली. सर्व सेक्टरल निर्देशांकांमध्ये काल सकारात्मक स्थिती दिसून आले, असे एंजल ब्रोकिंग लिमिटेडचे प्रमुख सल्लागार अमर देव सिंह यांनी सांगितले.

इन्फोसिसचे गुंतवणूकदार मालामाल; तासाभरात छप्परफाड कमाई
एफटीएसई १०० कंपनीने ०.५४ टक्के तर एफटीएसई एमआयबीचे शेअर्स ०.०२ टक्के घसरण घेतल्याने युरोपियन मार्केटने नकारात्मक संकेत दिले. अमेरिका-चीनदरम्यानचा व्यापारी तणाव आणि वाढत्या कोव्हिड-१९ च्या केसेसमुळे आजच्या सत्रात जागतिक बाजाराने नकारात्मक व्यापार दर्शवला. नॅसडॅकचे शेअर्स ०.५९ टक्के वाढले. निक्केई २२५ चे शेअर्स ०.७६ टक्क्यांनी घसरले. हँगसेंगचे शेअर्सदेखील २.०० टक्क्यांनी घटलेले दिसून आले.

देशांतर्गत इक्विटी बाजारात खरेदी दिसून आल्याने भारतीय रुपयाने अमेरिकी डॉलरच्या तुलनेत काहिशी घसरण घेत ७५.१९ रुपयांवर बंद झाला.आजच्या व्यापारी एमसीएक्सवर सोने आणि चांदीने फ्लॅट कामगिरी केली. कोरोना विषाणू संसर्गाची वाढती संख्या आणि अमेरिका-चीन दरम्यानच्या वाढत्या व्यापार तणावामुळे सोन्याच्या किंमतीतील हालचालींना आधार मिळाला.