माय अहमदनगर वेब टीम
मुंबई - राज्याच्या राजधानीत प्रवास करण्यासाठी रेल्वे आणि बेस्टला प्राधान्य दिले जाते. रेल्वेला मुंबईची लाईफलाईन तर बेस्टला मुंबईची दुसरी लाईफलाईन बोलले जाते. बेस्टच्या ताफ्यात एकाच वेळी जास्त प्रवासी ने-आण करण्याची क्षमता असलेल्या १२० डबल डेकर बसेस आहेत. मात्र या बसचे आयुर्मान संपल्याने येत्या ३१ मार्चपर्यंत भंगारात काढल्या जाणार आहेत. यामुळे बेस्टची शान असलेल्या या बसेस लवकरच इतिहास जमा होणार आहेत.
१८७३ मध्ये बॉम्बे विद्युत पुरवठा आणि ट्रामवेज कंपनीची स्थापना करण्यात आली. या कंपनीद्वारे मुंबईत ट्रामच्या माध्यमातून परिवहन सेवा दिली जात होती. पुढे या कंपनीचे रुपांतर बेस्ट उपक्रमात झाले. १९३७ मध्ये ट्रामच्या डबल डेकर बसेस सुरू करण्यात आल्या. १९४७ पर्यंत त्यांची संख्या २४२ पर्यंत गेली होती. मात्र त्यानंतर या डबल डेकर बसमध्ये वेळोवेळी बदल होत गेले. सध्या बेस्टकडे सध्या रस्त्यावर दिसणा-या १२० डबलडेकर बसेस आहेत. परंतु आता या बसचे आयुर्मान संपल्याने त्या मार्च २०२१ पर्यंत भंगारात काढण्यात येणार आहेत.
मुंबईकरांची दुसरी जीवनवाहिनी म्हणून ओळख असलेल्या डबलडेकर बसेस नव्याने घेण्याबाबत लवकरच निर्णय घेतला जाईल. बेस्ट उपक्रमाच्या महाव्यवस्थापकांकडे नवीन डबलडेकर बसेस घेण्याचा प्रस्ताव मंजुरीसाठी पाठवला असून महाव्यवस्थापकांची आणि बेस्ट समितीची मंजुरीची प्रतीक्षा असल्याचे वाहतूक विभागातील अधिका-याने सांगितले. बेस्ट महाव्यवस्थापक आणि बेस्ट समितीने डबल डेकर बसेस नव्याने विकत घेण्याच्या प्रस्तावाबाबत निर्णय न घेतल्यास सध्या रस्त्यावर धावणा-या डबल डेकर बसेस इतिहास जमा होणार आहेत.
१० वर्षांपूर्वी बेस्ट परिवहन विभागाच्या ताफ्यात पाच हजारांहून अधिक बसेस होत्या. तर आता बेस्ट परिवहन विभागाच्या ताफ्यात सर्वसाधारण, मिडी, वातानुकूलित, इलेक्ट्रीक बस आहेत. इलेक्ट्रीक व डबल डेकर अशा एकूण ३,३३७ बसेस आहेत. मात्र गेल्या १० वर्षात बेस्ट परिवहन विभागाच्या ताफ्यातून १,७०० बसेस हद्दपार झाल्या आहेत.
मुंबई उच्च न्यायालयाच्या आदेशाप्रमाणे वाहनांचे आयुष्य १५ वर्षाचे असते. त्या प्रमाणे पंधरा वर्षे सेवा बजावल्यानंतर बेस्टच्या बसेसही भंगारात काढण्यात येतात. एप्रिल २०२० पासून मार्च २०२१ पर्यंत १२० डबल डेकर बसेससह एकूण ८९८ बसेस भंगारात काढल्या जाणार असल्याचे अधिका-याने सांगितले. त्यातच १२० डबल डेकर बसेस २०२१ पर्यंत इतिहास जमा होणार आहेत.
मुंबई शहरात १९३७ मध्ये डबल डेकर बसेस सुरू करण्यात आल्या. १९४७ पर्यंत त्यांची संख्या २४२ पर्यंत गेली होती. मात्र त्यानंतर या डबल डेकर बस मध्ये वेळोवेळी बदल होत गेले. सध्या बेस्टकडे सध्या रस्त्यावर दिसणा-या १२० डबलडेकर बसेस आहेत. परंतु आता मुदत संपल्याने त्या मार्च २०२१ पर्यंत भंगारात काढण्यात येणार आहेत. डबल डेकर बसमधून एकाच वेळी दुप्पट प्रवाशांना प्रवास करता येत असल्याने त्याचा फायदा बेस्टला होत होता.
Post a Comment