डायट प्लानमधून ‘हे’ पदार्थ करा कमी, लठ्ठपणा आणि आरोग्यावर दिसून येतील चांगले परिणाम!

 

माय अहमदनगर वेब टीम

हेेल्थ डेस्क - कितीही नाकारलं तरी आजच्या घडीचं हे त्रिकालबाधित सत्य आहे की आपल्या सर्वांनाच फ्लॅट टमी म्हणजेच सपाट पोट आवडतं किंबहुना हवं असतं. सपाट पोट आणि सडपातळ बांधा यासाठी देव जाणे आपण कितीतरी आणि काय काय उपाय करत असतो. वेळेप्रसंगी आपण उपाशी राहतो, डायट करतो आणि बरेच घरगुती उपाय करतो. पण इतक्या अथक प्रयत्नांनंतरही पोट सपाट बनवणं एक अवघड काम वाटू लागतं कारण मेहनत प्रचंड आणि रिझल्ट शुन्य असा प्रकार घडत असतो. आपल्या सर्वांनाच माहित आहे सध्याची धाकधुकीची जीवनशैली, असंतुलित आहार आणि झोप, कामाचा ताणतणाव, खाण्यापिण्याच्या अयोग्य वेळा याचा परिणाम तर आपल्या शरीरावर वरचे वर दिसून येतच असतो. 

हे कमी होतं म्हणून गेल्या ७ महिन्यांपेक्षा जास्त काळ लॉकडाऊनमुळे आपण सर्वजण घरात बसून आहोत. जीममध्ये जाऊन एक्सरसाईज करणं, बागेत जाऊन फेरफटका मारणं, रोजच्या रोज मॉर्निंग वॉक करणं या गोष्टी जवळजवळ कित्येक महिने बंदच आहेत. त्यामुळे वाढलेलं पोट आणि त्यासोबत नको असलेला लठ्ठपणा आपल्या पजरी पडला आहे. तर मंडळी तुम्ही सुद्धा या अशा समस्येतून जात असाल तर चिंता करु नका. कमी व्यायाम करुनही आपण आपलं पोट कमी करुन कसं स्वत:ला फिट ठेऊ शकतो यासाठी आम्ही आज तुम्हाला काही खास टिप्स देणार आहोत.

ज्यूस पिण्याऐवजी फळे खा

जर तुम्हाला गोड पदार्थ आवडत असतील आणि ड्रिंक्समध्ये देखील अतिप्रमाणात साखर असलेले ड्रिंक्सच तुम्हाला आवडत असतील तर मात्र पोटावरील वाढलेल्या चरबीची समस्या तुम्हाला झेलावीच लागू शकते. कारण सॉफ्ट ड्रिंक्समध्ये साखरेचे प्रमाण भरपूर प्रमाणात असते. त्यामुळे या समस्येपासून जर तुम्हाला दूर राहायचं असेल तर सॉफ्ट ड्रिंक्स आणि पॅक ज्यूसपासून दूर राहणंच उत्तम!

दैनंदिन जीवनाचा विचार करता फळांचा ज्यूस पिण्यापेक्षा थेट फळं खाल्ल्यास तुम्हाला बेली फॅट कमी करुन पोट सपाट ठेवण्यास ब-याच अंशी मदत मिळू शकते. कारण ज्यूस बनवताना त्यामध्ये साखर मिक्स केली जाते. शिवाय फळांमधील फायबरही वेगळे केले जातात.

यामुळे फळांमधील नैसर्गिक पोषक तत्वं कमी होतात आणि त्यामध्ये साखरेची पातळीही उच्च प्रमाणात वाढते. त्यामुळे ज्यूस शरीरासाठी तितका लाभदायक राहत नाही जितकी फळं असतात. कारण फळं खाताना त्यातील फायबर देखील शरीरात जातं जे आपली पचनक्रिया सुरुळीत राखण्यास मदत करतं.

व्हाईट सॉस पास्ता

बहुतांश लोकांना व्हाईट सॉस पास्ता खाण्याचं प्रचंड वेड असतं. पण हाच तुमचा फेवरेट पास्ता तुमच्या वाढणा-या पोटासाठी आणि चरबीसाठी कारणीभूत ठरु शकतो. कारण व्हाईट पास्ता बनवताना त्यामध्ये मैद्याचा वापर केला जातो. यामध्ये फायबरची मात्रा प्रचंड कमी असते. त्यामुळे हा अतिशय जलद गतीने पचतो पण हा पचवण्यासाठी शरीराला प्रचंड उर्जा खर्ची घालावी लागते. तसेच व्हाईट सॉस पास्ता खाल्ल्याने शरीरात जमा होणा-या फॅटची पातळी जलद गतीने वाढू लागते. ज्यामुळे काहीच दिवसांत तुम्हाला आपलं पोट वाढलेलं दिसू लागतं.

या शुगर फ्रि पदार्थांपासून दूर राहा

आजच्या काळात मार्केटमध्ये असे कित्येक शुगर फ्रि पदार्थ उपलब्ध असतात जे तुम्ही साखरसाठी एक चांगला पर्याय म्हणून आपल्या दैनंदिन जीवनात वापरता. जसं शुगर फ्रि कुकीज, शुगर फ्रि कॅंडीज, शुगर फ्रि सॉफ्ट ड्रिंक्स इत्यादी!

साधारणत: अशा शुगर फ्रि पदार्थांना शरीर सहजपणे पचवू शकत नाही. अशावेळी ब-याच काळासाठी अशा पदार्थांचे सेवन गैस्ट्रोऐंटाइटिसची समस्या निर्माण करु शकते. यासोबतच ब्लोटिंग, पोटात गॅस, डायरिया सारख्या समस्याही होऊ शकतात.

मैद्याचे हे पदार्थ टाळा

सडपातळ बांधा आणि स्लिम टमी हवं असल्यास सर्वात महत्त्वाचं म्हणजे आपल्या दैनंदिन डायटमधून मैद्याच्या पदार्थांना बाय बाय करा. कारण मैदा पचवणं आपल्या पचनयंत्रासाठी अत्यंत अवघड काम असतं. तसंच मैदा आतड्यात जमा होऊ लागतो. यामुळे बर्गर, हॉट डॉग, मॅगी, न्युडल्स, मैदा बिस्किट, मैदा कुकीज या पदार्थांचे सेवन करु नये. खास करुन भारतीय फास्ट फुड मध्ये मैद्याचा वापर केला जातो. त्यामुळे हे पदार्थ देखील टाळा.

आईस्क्रिम

आईस्क्रिम खाल्ल्यानंतर भलेही आपल्याला तृप्ततेची फिलींग येत असेल पण आईस्क्रिममध्ये असणारी क्रिम आणि साखर आपल्या पोटाचा आकार बिगडवण्यासाठी पुरेसं असतं. ज्या लोकांना लॅक्टोजची अॅलर्जी असते त्यांना आईस्क्रिम खाल्ल्यानंतर गॅस, अपचन, ढेकर येणं अशा समस्या होतात. त्यामुळे जर तुम्हाला आईस्क्रिम खायची तीव्र इच्छा झाली तर कमी प्रमाणात याचे सेवन